Младата македонска пејачка Лара Иванова ја сними новата песна „Доминантен“, која ја испеа на јубилејниот 40. Макфест.
„Песната има заразен ритам и сценска енергија што потсетува на најголемите имиња од новата генерација на светски поп-ѕвезди. Настапот на Макфест за мене беше продолжение на она што се случува во видеоспотот. Сакав публиката да ја почувствува истата енергија што ја пренесувам на екранот, силна, но и емотивна. Да пееш и танцуваш на настап е навистина напорно, но тоа е дел од она што го сакам. Сакам музиката да ја раскажувам и преку движењето, не само преку зборовите“, рече Лара Иванова.
Автори на музиката за „Доминантен“ се Лара Иванова и Андреј Николов, текстот е на Андреј Поповски и Робин Зимбаков, а аранжманот, миксот и мастерингот се на Николов.
