Неправилното постапување со отпад претставува сериозен ризик за здравјето на луѓето и животната средина. Северна Македонија секоја година создава повеќе од 1,3 милиони тони отпад, што покажува колку е важно сите да се вклучат во процесот на негово правилно управување.
ОТИ ГРУП преку новиот веб портал „Еко Едукација“ (eco-edu.ngo) им нуди на граѓаните, компаниите и образовните институции практични водичи, едукативни содржини и информации за одржливо справување со отпадот.
Порталот објаснува што претставува отпад, зошто е опасен и како треба да се третира. Особено внимание е посветено на опасниот отпад, кој може да предизвика токсично загадување на вода, почва и воздух, како и на неопасниот отпад што бара селекција и рециклирање за да се намали влијанието врз животната средина.
Една од најкорисните функционалности на порталот е базата на компании што вршат собирање, транспорт и рециклирање на различни видови отпад – ресурс што ѝ е потребен и на јавноста и на бизнис секторот.
Проектот има цел да ги поттикне сите субјекти – од домаќинства до големи компании – активно да придонесат кон почиста и поздравa околина.
