„Стопирајте ја војната во Украина. Стопирајте ја ескалацијата на војната. Стопирајте го нарушувањето на воздушниот простор на сојузниците и знајте дека сме подготвени“, рече Руте.
„Решени сме да ја браниме секоја педа од сојузничката територија“
Во разговор со медиумите, тој рече дека инцидентот е продолжение на руската војна во Украина и ја предупреди Москва дека сојузниците „се решени да ја бранат секоја педа од територијата“.
Кога еден новинар го праша Руте дали мисли дека упадот со беспилотни летала бил намерен, тој одговори дека сè уште се прави проценка. Тој ја пофали реакцијата на Алијансата и им се заблагодари на сите сили што учествуваа, наведувајќи дека Полска, Холандија, Италија и Германија учествувале во операцијата.
