Министерката за финансии, Гордана Димитриеска-Кочоска, денеска во Загреб заедно со колегите министри од Бугарија, Хрватска, Унгарија, Полска, Романија, Словачка и Словенија го потпиша Меморандумот за соработка за развој и интеграција на пазарите на капитал во Централна и Југоисточна Европа.
,,Ова е важен чекор за јакнење на нашите финансиски пазари, отворање нови извори на капитал и поголема поддршка за домашните компании,“ изјави Димитриеска-Кочоска.
Таа нагласи дека за Македонија овој потег претставува значаен чекор кон зацврстување на позицијата како активен учесник во регионалната и европската финансиска архитектура, со што ќе се овозможи полесен пристап до капитал за домашните компании и ќе се поддржи економскиот раст и стабилноста.
