Јулското невреме проследено со силен ветар кој во струмичко достигна и до 130 километри на час, предизвика штети кај околу илјада земјоделци. Комисиите за проценки на штети од елементарни непогоди излегуваат на терен и ја утврдуваат висината на штетите согласно утврдената методологија за да државата ги обесштети.
Невремето со силен ветар од минатиот месец предизвика штети на околу илјада земјоделци во струмичко. Тие ги поднесоа своите барања за процена на штети и можно обесштетување. Во наредниот период општинските комисии ќе ја утврдуваат висината на штетите согласно утврдената методологија.
Невремето со силен ветар кој во струмичкиот регион достигна од 130 километри на час, најголеми штети предизвика кај пластениците и земјоделските посеви. Земјоделците чекаат некакво обесштетување.
Годинава Струмица по вторпат ја ангажираше општинската комисија за проценка на штети откако во јануари имаше поплави, а сега изразен силен ветар.
