Популарниот кантавтор знае да го погоди вкусот на публиката!
Вечниот и секогаш популарниот кантавторот Дарио има нова песна и веќе нов хит, со насловот „Животот е лото“. Вели дека со ваква весела песна сака да го нагласи токму тоа, дека животот треба да се живее по сопствен избор, весело, динамично, а на проблемите да се гледа како на нешто што поминува. Самата песна има шармантен медитерански звук со многу певлив рефрен. Музиката и текстот се на Дарио, а аранжманот е на неговиот долгогодишен соработник и пријател, Кристијан Габроски (Ристо Бомбата).
– Текстот има јасна порака, се раскажува животот кој е навистина како лото, во зависност од тоа што ќе извлечеш, од сите тие подеми, падови, желби, очекувања, тајни, радости, таги, вели распеаниот Дарио, кој секогаш, со секоја нова песна, знае и многу добро да се дотера. Тој во декември, минатата година, го издаде албумот „Ковчег со злато“, а со оваа „Животот е лото“ има уште една песна по мерак на обожавателите. (Д. М.)
