Возачот на Дукати, Марк Маркез, ја освои Големата награда на Унгарија во Мото ГП-шампионатот и го зголеми своето водство во генералниот пласман. Маркез победи со време од 42:37,681 минути, со што ја оствари својата седма победа по ред. Шесткратниот светски шампион сега има вкупно 98 победи во кариерата.
Шпанскиот возач, исто така, победи во спринтот во Балатон парк во саботата.
Возачот на КТМ, Педро Акоста, кој стартуваше од седмата позиција, беше втор, додека возачот на Априлија, Марко Бецеки, заврши трет. Акоста заостануваше 4,314 секунди зад победникот, додека Бецеки заостануваше 7,488 секунди.
Возачот на Априлија, Хорхе Мартин, беше четврти, возачот на Хонда ХРЦ, Лука Марини, петти, а возачот на Пертама, Франко Морбидели, шести.
Марк Маркез е водечки во генералниот пласман со 455 бода, 175 бода пред неговиот помлад брат Алекс Маркез и 227 бода пред третопласираниот Бањаја.
Шампионатот продолжува за две недели со трката во Каталонија.
