Големата победа на тимот на Вардар во рамките од петтото коло од ракометната Лига на Шампионите против Нант на гостински терен од 27:33 е секако еден од главните настапи во ракометниот свет неделава.
Главен лик секако во големата победа на „црвено – црните“ и освојувањето на првите бодови во ЛШ сезонава е голманот Милош Валах кој што имаше серија на фантастични интервенции на овој дуел. Стигна до бројката седумнаесет одбрани против французите, а една од нив е дел од најдобрите пет на оваа рунда изрбани од страна на ЕХФ.
Првото место на оваа топ-листа му припадна на Небојша Симиќ од Мелсунген, кој што веќе следната недела пристигнува во Скопје, па секако дека очекуваме голманска битка на двата одлични чувари на мрежата.
