На 28 септември 2026 година, во 13:00 часот, во Полициската станица Виница, 18-годишна девојка од Кочани пријавила дека нејзиниот поранешен партнер К.Ш. (18) од Велес телефонски ѝ се заканувал.
Според пријавата, К.Ш. воедно го прекршил претходно донесеното судско решение со кое биле изречени привремени мерки за заштита од семејно насилство.
За случајот бил известен јавен обвинител. Од МВР информираат дека по целосното документирање на настанот ќе следува соодветна пријава.
