Зоолошка доби принова – мало и мило двогрбо камилче

Скопската зоолошката градина доби принова. Малата и мила двогрба камила е новиот станар во зоолошката градина.

Малото камилче кое се роди на 3 април, ужива во сончевите денови во своето живеалиште во зоолошката градина.

– Во фамилијата Бактријан двогрби камили имаме подмладок, оваа преслатка млада дама, која е второ дете на Карло и Мираи. Се роди на 3 април и по краток карантин со мајката, веќе ужива во пролетните сончеви денови. Да ни е жива и здрава – стои во Фејсбук-објавата на Зоолошката градина.