Home » Жестока кавга меѓу претседателот и владата во Полска

Жестока кавга меѓу претседателот и владата во Полска

by Журнал

Разрешувањето на полскиот државен обвинител Дариуш Барски не е легално, изјави денеска полскиот претседател Анджеј Дуда, што е ново продолжение во конфликтот меѓу шефот на државата и новата полска влада. Министерот за правда Адам Боднар доби задача да ја промени политиката на поранешната националистичка влада на партијата Право и Правда (ПиС), која, според критичарите, ја зголеми политичката контрола врз судството.

Укинувањето на реформите на ПиС е клучно за деблокирање на милијарди евра пари од ЕУ кои се замрзнати поради проблеми со владеењето на правото. Но, ова предизвикува конфликти меѓу новата проевропска влада и претседателот Анджеј Дуда, сојузник на ПиС.

Претседателот тврди дека Боднар нема овластување еднострано да го разреши Барски. Министерот за правда пак вели дека назначувањето на Барски било невалидно бидејќи тогашните закони не дозволувале пензиониран да биде државен правобранител.

„Разрешувањето на државниот правобранител е можно само по консултации меѓу премиерот и претседателот… за ова е потребна писмена согласност од претседателот“, изјави Дуда за новинарите по средбата со премиерот Доналд Туск.

„Нема сомнеж дека законот е прекршен во овој случај… апсолутно е невозможно да се зборува за ефективно разрешување на државниот правобранител“.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More