Home » Земјите на НАТО што граничат со Русија ќе градат „ѕид од беспилотни летала“

Земјите на НАТО што граничат со Русија ќе градат „ѕид од беспилотни летала“

by Журнал.мк

Шест земји членки на НАТО, кои се соседи на Русија, се согласија да подигнат „ѕид од дронови“ за да ги бранат своите граници од „провокации“, објави литванската влада.

„Тоа е сосема нова работа, ѕид од дронови што се протега од Норвешка до Полска. Целта е да се користат беспилотни летала и други технологии за заштита на нашите граници“, изјави литванската министерка за внатрешни работи Агне Билотаите.

Таа го изјави ова по разговорите со колегите од другите балтички земји, Естонија и Латвија, како и Финска, Норвешка и Полска.

„Не се работи само за физичка инфраструктура, системи за надзор, туку и за беспилотни летала и други технологии, кои ќе ни овозможат да се заштитиме од провокации од непријателски земји и да го спречиме шверцот“, додаде таа.

Покрај распоредувањето на дронови за следење на границата, овие земји би користеле системи за пресретнување на непријателски беспилотни летала.

Литванската министерка не спомна временска рамка за проектот, кој беше одобрен поради актуелните безбедносни грижи во регионот во време на руската војна во Украина.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More