На пример, зголемената жед, честа потреба за мокрење, топли бранови, несоница и ноќни грчеви се сметаат за симптоми на дијабетес. Исто така, треба да бидете внимателни ако се појават главоболки и вашата телесна тежина нагло опадне.
Дијабетесот е хронична болест која се јавува кога телото не може правилно да го регулира нивото на шеќер (гликоза) во крвта. Гликозата е важен извор на енергија за телото, а нивото во крвта го контролира хормонот инсулин, кој го произведува панкреасот. Кај дијабетес, телото или не произведува доволно инсулин или не може ефикасно да го користи.
Дијабетес тип 1 е автоимуна болест во која имунолошкиот систем ги напаѓа клетките на панкреасот кои произведуваат инсулин. Поради ова, телото не произведува инсулин, па луѓето со дијабетес тип 1 мора да земаат инсулин доживотно.
Дијабетесот тип 2 е најчестиот облик на дијабетес кој обично се развива во зрели години. Кај овој тип на дијабетес, телото или не произведува доволно инсулин или не го користи правилно (инсулинска резистенција). Често се поврзува со дебелина и лоши навики во исхраната.
Постои и гестациски дијабетес, кој може да се појави за време на бременоста кај жени кои немале дијабетес претходно. Обично исчезнува по породувањето, но може да го зголеми ризикот од развој на дијабетес тип 2 подоцна во животот.
Третманот на дијабетес обично вклучува промени во животниот стил (диета, вежбање), лекови или инсулин, во зависност од типот на дијабетес.
