Home » Законски измени – Интернет порталите регистрирани со локални домени ќе се третираат како медиуми

Законски измени – Интернет порталите регистрирани со локални домени ќе се третираат како медиуми

by Журнал.мк

Владата на последната седница ги одобри измените на Законот за медиуми со кои се предвидува регулирање на статусот на интернет порталите кои според постојната законска рамка не се третираат како медиуми. Според Владата, ова ќе придонесе за стимулирање на медиумската саморегулација, професионалност и конкуренција.

„Предлогот за изменување и дополнување на Законот за медиуми има за цел да ја зајакне конкуренцијата во медиумскиот простор и да ги реши постоечките проблеми со интернет порталите, преку создавање правна рамка која ги препознава како такви, поточно со дефинирање јасни правила за нивно формирање и регистрација“, наведуваат од Владата.

Иако не се регулирани со закон, интернет порталите остваруваат државни бенефиции, особено во периодот на предизборна кампања, кога има зголемување на бројот на интернет портали кои имаат за цел да добијат пари за изборно рекламирање. Според извештајот на ДИК, на минатогодишните парламентарни избори над 150 портали заработиле вкупно 811 илјади евра.

Новиот закон предвидува создавање на регистар со кој раководи Агенцијата за аудио и аудиовизуелни медиумски услуги, додека порталите кои сакаат да бидат означени како медиуми ќе мора да влезат во регистарот. Но, за да го направат ова, тие мора да исполнат неколку услови, вклучително и да имаат локален домен mk или mkd, да имаат седиште и сметка, како и податоци за сопственикот, компанијата и персоналот. За да се вклучат во регистарот, порталите треба да го исполнуваат и условот да имаат најмалку тројца вработени. Сепак, останува да се види дали ќе има промени или не, бидејќи истите треба да ги изгласа Собранието во наредниот период.

You may also like

This website uses cookies to improve your experience. We'll assume you're ok with this, but you can opt-out if you wish. Accept Read More

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk