YouTube не секогаш ги известува корисниците кога воведува нови функции, но оваа неодамнешна промена е доста корисна
Станува збор за тоа што YouTube на некои луѓе им овозможи да го видат бројот на лајкови и коментари во реално време, односно нивната промена „од минута во минута“.
Моментално бројот на лајкови и коментари не се менува додека гледате видео, но новата функција на Android апликацијата го овозможува тоа, со интересна анимација.
Како што пишува веб-страницата Android Police, се чини дека промената на бројот на лајкови и коментари не зависи од тоа дали вашето видео е паузирано или моментално го гледате.
Веб-страницата исто така додава дека е тешко да се каже кога функцијата пристигнала на YouTube, со оглед на тоа што тимот кој стои зад платформата не објавил ништо за тоа.
Можеби затоа што функцијата сè уште е ограничена на одредени корисници и региони, при што еден официјален претставник рече дека „ако видите дека вашиот YouTube изгледа малку поинаку, тоа е веројатно експериментална функција“.
