Кросоверот на VW беше најпродаван во Европа во јули, заедно со Dacia Sandero и Peugeot 208, кои ги зазедоа втората и третата позиција.
Имено, по тримесечно водство на хеџбекот на Peugeot, во јули, конечно VW T-Roc ја презеде првата позиција со продадени 19,130 примероци. Ова претставува 15% раст за моделот на VW споредено со истиот месец минатата година.
Dacia продаде 17,228 примероци од Sandero, што претставува пад од 16% споредено со јули 2021.
Peugeot 208, пак, се продаде во 16,423 примероци што претставува огромен раст од 47%.
Интересно, T-Roc е претиот различен модел кој годинава успеа да стане бестселер во некој од одделните месеци.
Останатите победници досега се Dacia Sandero (јануари), VW Golf (февруари), Tesla Model 3 (Март) и Peugeot 208 (април, мај и јуни).
T-Roc и 208 се два од петте модели помеѓу десетте најпродавани во јули кои остварија раст на продажбата споредено со јули 2021.
Останатите три добитници се Dacia Duster, Opel Corsa и Kia Sportage.
Помеѓу другите модели со раст помеѓу 50-те најпродавани модели се и Citroën C3 и Fiat 500, Skoda Kodiaq и Hyundai i20.