Home » Вучиќ го пофали Трамп за примирјето во Газа

Вучиќ го пофали Трамп за примирјето во Газа

by Журнал.мк

Многу е важно што е постигнат договор за мир на Блискиот Исток, оцени српскиот претседател Александар Вучиќ.

Тој го пофали новоизбраниот претседател на Соединетите Американски Држави, Доналд Трамп, за неговата улога во постигнувањето мировен договор меѓу Израел и Хамас.

„Длабока почит кон Доналд Трамп за обезбедувањето прекин на огнот и ослободувањето на заложниците пред тој официјално да ја преземе функцијата. Исто така, почит кон израелскиот премиер Бенјамин Нетанјаху, катарскиот премиер Шеик Мохамед бин Абдулрахман ал-Тани и египетскиот претседател Абдел Фатах ел-Сиси. Вашиот придонес за мирот е за пофалба“, рече претседателот на Србија.

Катарскиот премиер и министер за надворешни работи Мохамед бин Абдулрахман во средата навечер објави дека е постигнат договор за прекин на огнот во Појасот Газа, истакнувајќи дека неговата примена ќе започне оваа недела.

Прекинот на огнот доаѓа по 467 дена израелски геноцид во Газа. Од 7 октомври 2023 година, повеќе од 46.700 Палестинци, главно жени и деца, се убиени во Појасот Газа.

You may also like

This website uses cookies to improve your experience. We'll assume you're ok with this, but you can opt-out if you wish. Accept Read More

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk