Home » Вработените во Здравствен дом Гостивар протестираат заради неисплатена плата

Вработените во Здравствен дом Гостивар протестираат заради неисплатена плата

by Журнал

Иако сите колеги низ републиката ги добија платите, нам за декември сé уште не ни е исплатена. Требаше до десетти јануари, а со ова сите рокови се пробиени. Проблемот е во тоа што не е донесена одлука и министерот за здравство нема назначено нов, иако огласот е завршен. Упатуваме апел до надлежните во ресорното министерство да најдат начин и во најкус можен рок да го реши проблемот. Во спротивно ќе преземеме порадикални мерки, рече претставникот на вработените Сафије Точи.

Дел од вработените на протестот посочија дека заради доцнењето на исплатата на декемвриската плата имаат проблеми со банките, бидејќи имаат подигнато кредити и веќе им течат казнени камати.

На протестот се пожалија дека не ја добиле поддршката од синдикалната организација и им бил вршен притисок да не протестираат.

Под ЈЗУ Здравствен дом Гостивар се службите за итна помош, патронажа, лабораторија, спортска медицина, превентивна стоматологија и вработените во возниот парк со близу 160 вработени.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More