Со одредени забелешки, со препораки за поставување и за отстранување на некои предложени имиња за улиците на Тетово, се одржа третата расправа на комисијата за промена на имињата на некои улици на Тетово со жителите на овој град.
Шефот на комисијата рече дека досега се доставени 1040 предлози за имиња на улици. Според него, овој број се очекува да биде преполовен во следната дебата.
„Ако се базираме на првиот критериум, веруваме дека бројот од предлозите ќе биде преполовен, бидејќи има многу предлози на личности кои се уште се живи. По оваа дебата, работната група ќе се состане повторно и врз основа на критериумите што ги прочитав, уште еднаш ќе ја исчистам листата и сигурно ќе останат 300-350 имиња, а потоа ќе ја одржиме последната дебата и повторно ќе им биде презентирана на жителите“, рече Арѓенд Велиу, претседател на Комисијата за промена на имињата на улиците во Тетово.
Најчестите реакции на жителите беа главно поврзани со странски имиња, но и со оние на други градови. Од комисијата беше побарано да даде приоритет на имињата на тетовските активисти.
„Не е логично да се земаат странски имиња. Треба да ги добиеме оние кои навистина придонеле за Тетово. А живите не, бидејќи се уште се живи, и можат да се лизнат и да испаднат да се предавници, ќе му го смениме ли името потоа? “. рече Сулејман Мехази.
„Дебатата за споменување странски градови и странски имиња беше поттикната и тоа беше разумно. Ние сме како народ во друга фаза на развој и треба да им дадеме приоритет на локалните имиња повеќе од ова, за подобро да го запознаеме градот, што ќе влијае во подигнувањето на нашата свест и гордост на Тетовчани“, рече Агон Мемеди.
Во Тетово се регистрирани вкупно 297 улици, од кои 216 се без број или име, додека на 80 други им е потребна промена на името, бидејќи имаат имиња кои воопшто не се совпаѓаат со мултиетничката и верската реалност на државата.
