Home » Во напад на бунтовниците во Пакистан загинаа 10 војници

Во напад на бунтовниците во Пакистан загинаа 10 војници

by Журнал.мк

Сепаратистичките бунтовници во Пакистан ја презедоа одговорноста за нападот на воен контролен пункт на југозападот на земјата, во кој, според армијата, загинаа 10 војници.

Нападот, извршен во вторникот вечерта во пакистанската област Кеч, северно од пристаништето Гвадар, беше најтешкиот во последните неколку години како дел од борбата што бунтовниците, членови на народот Балучи, ја водат против пакистанската Владата, пренесува Ројтерс.

– Одлучни сме во нашата посветеност да го ослободиме Пакистан од сите форми на тероризам – изјави денеска пакистанскиот премиер Имран Кан во изјавата во која им оддаде почит на загинатите војници.

Армијата соопшти дека убила еден од напаѓачите и уапсила тројца во акцијата за расчистување која се уште е во тек.

Бунтовничката група за ослободување на Балуџистан (BLF) ја презеде одговорноста за нападот, се вели во соопштението испратено до Ројтерс, при што загинаа 17 војници и еден од нејзините членови.

Овие герилци со децении се борат против владата за да добијат своја држава, тврдејќи дека централната власт неправедно ги искористува богатите гасни и минерални ресурси на провинцијата Белучистан, која ја дели границата со Авганистан и Иран.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More