Кога се во прашање националните интереси ВМРО-ДПМНЕ е за заедништво и национално единство. Кога треба да се заштитат интересите на Македонија сите партии ја имаат поддршката на ВМРО-ДПМНЕ, е нагласено во писмениот допис од оваа партија.
„Македонија е наш заеднички дом, а кога е во прашање нашиот заеднички дом, сите мора да го чуваме. Затоа го повикуваме и Димитар Ковачевски да не стои наспроти народот, туку да застане во одбрана и на линија на црвените линии на Македонија“, се истакнува во соопштението од партијата.
„Но ако мислат дека тоа е поддршка за се, се лажат. Одговорност ќе имаат за криминалот, бидејќи тој не се заборава. Секој кој ја ограбил државата и народот ќе одговара. Како овие покрај Ковачевски сега, така и неговиот претходник кој се повлече од политиката, со мисла дека ќе биде заборавен“, оценуваат од опозициската партија.
За да тргне државата напред, од ВМРО-ДПМНЕ сметаат дека е потребна одговорност и еднаквост пред законите.
