Димитар Ковачевски како премиер во Владата и човек што треба да биде пример за почитување на законите и на ковид-протоколите, јавно на владина седница ги крши протоколите и не носи маска во затворен простор, обвини ВМРО-ДПМНЕ.
„Димитар Ковачевски со своето неодговорно однесување е закана за јавното здравје и причинител за поголемо ширење на коронавирусот. Ковачевски, наместо да дава пример како се почитуваат законите, тој ги крши, затоа го повикуваме и Државниот здравствен инспекторат да поднесе кривична пријава против него.
Воедно, напоменуваме пратеникот Коциќ да ги остави здравствените работници да си ја вршат работата и да не ги злоупотребува како во време на кампања кога во работно време ги тераше да се фотографираат со него наместо да си ја работат својата благородна работа“, се вели во соопштението.
Од таму велат дека во СДСМ немало ниту етика ниту морал, а ниту, пак, почитување на законите. Според опозициската партија, СДСМ се причина за сите кризи во државата, воедно и за големата здравствена криза.
