На интернет се достапни различни начини за губење на килограмите, а меѓу нив вистинска бура подигна и маточината.
Домашниот напиток од маточина наводно помага при варењето, го регулира шеќерот во крвта, ја намалува надуеноста и влијае на килограмите. Колку е вистина сето тоа, објаснува нутриционист.
Овој напиток стана особено популарен на ТикТок и генерално рецептите се состојат од листовите на растението потопени во топла или ладна вода, понекогаш во напитокот се додаваат ѓумбир, лук или мед за да се подобри вкусот и придобивките.
„Маточината е билка која има благ мирис на лимон. Луѓето ја користат од различни причини, вклучително и зајакнување на имунолошката функција, поттикнување на варењето, ублажување на анксиозноста и стресот, намалување на холестеролот и борба против херпес“, вели диететичарката Лиз Вајнанди.
Оваа билка може дури и да помогне во ублажување на менструалните грчеви.
“Маточината е безбедна кога се консумира во храна и додатоци, но треба да се земе предвид дека има недостаток на долгорочни докази. Се препорачува да разговарате со вашиот лекар и да разговарате за соодветната доза и колку долго можете да ја консумирате“, советува Вајнанди.
Сепак, иако овој напиток веројатно нема да биде штетен за повеќето, нема официјални докази дека помага при слабеење.
Важно е вашиот процес на слабеење да не се заснова на овој напиток бидејќи може да дојде и до несакани ефекти од маточината.
„Треба да се користи внимателно кај одредени популации, вклучително деца, постари лица, бремени жени и доилки. Некои медицински состојби, како што се болестите на тироидната жлезда, може да се влошат со земање додатоци од маточина, а некои лекови на рецепт може да имаат несакани ефекти“, предупредува диететичарката.
