Објавено е ново видео кое зборува за создавањето на моделот “Bugatti Tourbillon”.
Оваа снимка, која не трае ни пет минути, зборува за моментите кои се снимени во текот на февруари 2022 година во просториите на “Rimac Group” во Загреб.
Може да ги видиме моментите во кои тимот се одлучи за насоката во која ќе се движи “Bugatti Tourbillon”, а се појавува и самиот шеф Мате Римац.
„Цел живот ме фасцинираа прототипите и гласините во автомобилските списанија. Како ќе изгледа новиот модел? Тоа е она што ме фасцинира – таа одговорност и слобода“, изјави Римац.
За прашањето за изборот зборуваше и тогашниот шеф на одделот за дизајн, Ахим Аншајт, кој истакна дека „не е лесно да се избере нов дизајн за Bugatti, а дури потоа доаѓа најтешката фаза – пронаоѓање на компромис“.
