“Huawei” веќе некое време е во автомобилскиот бизнис, а најновото луксузно возило во нивната галаксија се вика “Maextro S800”.
Веќе пишувавме за овој автомобил кој се продава само во Кина (чини околу 105.000 евра), но сега добивме дополнителни детали и снимки.
Официјалното видео покажува како “S800” се движи меѓу седум модели на “Maybach S 680” со леснотија, благодарение на функцијата „crab-walk“ или можноста за дијагонално движење.
Во суштина, оваа функција ги користи задните тркала за вртење за 16 степени, во споредба со 10-те степени во “Mercedes-S-Class” и 5-те степени во “Rolls-Royce Ghost”.
Благодарение на оваа способност, задните тркала можат да се однесуваат на ист начин како и предните тркала.
Инаку, “Maextro S800” е достапен во 100% електрична верзија, но и како “EREV” (т.е. електричен со SUS мотор кој делува како генератор), пренесува веб-страницата “Motor1”.
Електричната верзија има 863 коњски сили, додека “EREV” доаѓа во верзии со 530 коњски сили и 863 коњски сили. Досегот е до 370 километри според “CLTC”.
