Фудбалската репрезентација на Аргентина ја совлада репрезентацијата на Чиле со резултат 3:0, во натпреварот од седмото коло од квалификациите за Светското првенство во 2026 година. Сепак, резултатот беше во втор план откако легендарниот Анхел ди Марија се прости од селекцијата.
Натпреварот на „Монументал“ имаше емотивен вовед каде пред неговиот почеток преку видеобим беше емитуван клип со најдобрите моменти од кариерата на Анхел.
Цел стадион ги слушна зборовите на неговата најстара ќерка која за оваа прилика му напиша писмо.
Светските шампиони поведоа во 48. минута со голот на Алекс Мекалистер, предноста ја удвои Џулијан Алварез во 84. минута.
Конечниот резултат на натпреварот го постави Пауло Дибала во 91. минута.
Аргентина е прва на табелата во јужноамериканската квалификациска група, со 18 бодови, Чиле е деветти со пет бодови.
Фудбалерите на Боливија ја победија Венецуела со резултат 4:0, во натпреварот од седмото коло од квалификациите за Светското првенство.
Венецуела е четврта на табелата со девет бодови, Боливија е седма со шест.
Пласман на СП ќе обезбедат шесте првопласирани репрезентации од јужноамериканските квалификации, додека седмата селекција ќе игра во баражот.
СП 2026 ќе се одржи од 11 јуни до 19 јули во САД, Канада и Мексико.
