Ликвидацијата на Орган Бајрами-Оки била извршна од две лица, на отворен простор, дознава „Макфакс“. Според неофицијални информации со кои располагаат и надлежните органи во Македонија, извршителите на убиството биле со мотор и фантомки на глава. На местото, се пронајдени десетици чаури од истрелите. Лицата ја знаеле трасата на движење на Бајрами-Оки, но и на неговиот партнер Сеад Слезовиќ кој е тешко повреден и во животна опасност. Пукањето, според првичните информации кои треба и да се потврдат, било од две оружја, односно двете лица.
Сомнежите се дека оваа ликвидација била планирана подолго време. Двете лица кои беа мета биле и следени. Грчките медиуми ги претставија како: „туристи од Северна Македонија“, а не се знае колку време престојувале таму, како и дали очекувале дека им се спрема ликвидација.
„Макфакс“ објави детали за ликвидираниот македонски државјанин во Грција, Орхан Бајрами – Оки кој и е познат на македонската јавност како дел од мафијашкото подземје. Го сметаа за неформален лидер на т.н. групата „Дуќанџик“.
Досега, грчките медиуми известија дека 39-годишен бизнисмен, сопственик на казино во Македонија е застреланиот од непознати лица на Халкидики со над 20 куршуми, а неговиот пријател е тешко ранет. Орхан Бајрами (роден 1984 година) е мртов, а Сеад Слезовиќ (1978) е повреден. Двајцата бизнисмени биле активни во Македонија, во казино и фабрика за пијалоци, пишуваат грчките медиуми.
