Ванг Ји: Неопходно е спроведување на решението за две држави меѓу Израел и Палестина

Кинескиот министер за надворешни работи, Ванг Ји за време на средбата со израелскиот министер за надворешни работи Гидеон Саро изјави дека основното решение за ставање крај на насилството на Блискиот Исток е спроведувањето на решението за две држави меѓу Палестина и Израел, соопшти денеска кинеското Министерство за надворешни работи.

Зборувајќи на маргините на Минхенската безбедносна конференција во Германија, Ванг исто така рече дека статусот на Палестина е „суштината на блискоисточното прашање“, објави Ал Џезира.

„На хуманитарната катастрофа во Газа мора да се стави крај што е можно поскоро“, му рече Ванг на својот израелски колега.