Успех е што Советот на Град Скопје функционираше редовно, вели Славески

„Успех е што Советот на Град Скопје функционираше редовно. Во ниту еден момент не се доведе во прашање можноста да се закаже и одржи седница – без разлика дали е редовна или вонредна“, изјави денеска екс претседателот на Советот на Град Скопје и нов гувернер на Народната банка, Трајко Славески.

Славески посочи дека во изминатиот период биле одржани околу 60 редовни и 17 вонредни седници, со што, според него, се покажала функционалноста на институцијата дури и во услови на политички разлики.