Ураганот Отис ослабна откако го погоди Акапулко

Ураганот Отис со јачина од петта категорија го удри јужниот брег на Мексико, носејќи ветрови со брзина од 260 километри на час и поројни дождови во Акапулко и околните градови.

Од Центарот за урагани соопштуваат дека ураганот ослабел до втора категорија додека минува низ Мексиканскиот брег и се очекува дополнително да слабее во стрмните планини на државата Гереро.

Властите сè уште не дадоа прелиминарни проценки за штетите, но движењето по улиците е отежнато поради откорнатите дрвја и поплави од поројниот дожд. Голем дел од областа е без струја.