Руските сили наводно ја разнеле браната Курахивка во Доњецката област, предизвикувајќи поплави во околните села на патот кон Бахатир. Патиштата се се уште проодни, но воведени се ограничувања поради поплавите.
Украинскaта новинаркa и поранешна портпаролка на Володимир Зеленски изјави дека руските сили наводно разнеле брана во близина на Кураков, важен град на патот кон Покровск, предизвикувајќи поплави во околните места. Овие тврдења се уште не се потврдени ниту од руски ниту од украински извори. пишува Нова.рс.
„Кураков е на работ: руските сили ги засилуваат нападите од север, југ и исток, обидувајќи се да го опколат градот и да ги пресечат украинските логистички линии на автопатот Запорожје-Донецк“.
Војната во Украина значително ескалира во последните денови, при што двете страни ги изведоа најинтензивните напади со беспилотни летала во текот на викендот од почетокот на конфликтот пред речиси три години. Русија прави бавен, но постепен напредок на фронтот и сè повеќе го стега обрачот околу Покровск, каде што нејзините позиции сега се на само шест километри од градот.
Во меѓувреме, Русија се обидува да употреби значителни воени сили за да ги истисне украинските војници од западниот регион Курск, потврди украинскиот врховен командант Олександр Сирски.
