Украс во Белград падна врз тролејбус. Новогодишните украси станаа закана за безбедноста на граѓаните во Србија, а оваа тематика отвори нови критики. Граѓаните здруженија во Србија обвинуваат дека новогодишни украси од српската локална самоуправа се купени на наместен тендер.
Новогодишното украсување во соседството отвори многу нови дилеми. Украс во Белград падна врз тролејбус и тоа ја разбуди српската јавност.
Новогодишните светилки се откачиле во вторник наутро во близина на зградата на Владата на Србија, на улицата Кнежа Милош и паднале на тролејбус. За среќа нема повредени, но се поставува прашањето колку е безбедно новогодишното украсување во Белград и дали луѓето треба да се плашат дека нешто ќе им падне на глава додека се шетаат по улиците.
За соговорниците на Данас ова е уште еден доказ дека градот не функционира, поради наместени тендери, ненамерно трошење пари и непрофесионални луѓе на чело на комуналните претпријатија.
