Home » Украинскиот град Харков се подготвува да го отвори своето прво подземно училиште

Украинскиот град Харков се подготвува да го отвори своето прво подземно училиште

by Журнал

Градот Харков во Источна Украина, кој редовно е цел на руските напади, во март ќе го отвори своето прво подземно училиште, јави ДПА.

Изградбата на училиштето во индустриската зона на градот се одвива според планот и покрај непријателскиот оган и студената зима, напиша денеска во „Телеграм“ градоначалникот Игор Терехов.

Веќе се изградени првите бетонски потпорни конструкции. Сега се работи на изолација, вентилација и водовод и канализација, рече градоначалникот.

Има и прелиминарни планови за изградба на уште едно подземно училиште во централниот кварт на градот.

Во градското метро функционираат близу 65 импровизирани училници. Во моментов на овој начин барем делумно се образуваат околу 1.000 основци.

Според властите, само околу 40 отсто од повеќе од 110.000 студенти сè уште остануваат во Харков. Голем број од нив побегнале во странство, а многу од оние кои ја напуштиле земјата студирале од далечина во нивните претходни училишта.

Украина се бори против руската инвазија повеќе од 22 месеци. Харков, вториот најнаселен град во Украина, се наоѓа на само 30 километри од руската граница и редовно е цел на руски ракетни напади, јави ДПА.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More