62
Украинската федерација има доверба во селекторот Сергеј Ребров и покрај двата порази на Ункраинците во септемвриските дуели од Лигата на нации. Иако дел од медиумите побараа промена на селекторското место, Андриј Шевченко и неговите соработници ја потврдија довербата кон селекторот.
Легендата на украинскиот фудбал и претседател на Украинската фудбалска асоцијација излезе со изјава пред медиумите во која го потврди својот став.
„Целта што и ја поставивме на репрезентацијата е пласман на Светското првенство во 2026 година. Имаме целосна доверба во селекторот Ребров и неговиот тим. Ќе работиме да го оствариме овој сон“, изјавил Шева.
