Home » Украина најавува нова контраофанзива, откако претходната била пробиена

Украина најавува нова контраофанзива, откако претходната била пробиена

by Журнал.мк

Украинскиот претседател Володимир Зеленски денеска изјави дека „Русија успеала да добие увид во плановите на украинската контраофанзива во 2023 година уште пред да започне, а чиј неуспех и нанесе тежок удар на Украина“.

-Нашите планови за контраофанзива беа на масата на Кремљ пред да започне контраофанзивата – рече Зеленски на прес-конференција.

На новинарско прашање, Претседателството на Украина потврди дека Зеленски мислел на протекување информации.

Тој појасни дека неговите воени лидери развиле неколку борбени планови за 2024 година за да надоместат за „протекување информации“ во иднина.

Големата украинска контраофанзива во летото 2023 година беше пресретната со силни руски одбранбени линии кои ги исцрпеа ресурсите на украинската војска без да дозволат ослободување на регионите окупирани од Русија.

Украинскиот претседател на денешната прес-конференција рече и дека победата на Украина ќе зависи од воената помош на Западот и додаде дека е сигурен оти американскиот Конгрес ќе го одобри долгоочекуваниот пакет помош.

-Ако сме силни, со оружје, нема да ја изгубиме оваа војна – рече Зеленски, кој првпат денеска објави дека во војната со Русија загинале 31.000 украински војници.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More