86
Европската фудбалска федерација (УЕФА) ги ограничи цените на билетите за гостинските навивачи во сите натпреварувања кои се под нејзина капа или поточно Лигата на шампиони, Лига Европа и Конференциската лига.
УЕФА објави дека највисоката цена на билети за ЛШ ќе биде 60 евра, за Лига Европа 40, додека за третото по ранг натпреварување 20 евра.
– Ја продолжуваме нашата мисија да го одржуваме фудбалот како инклузивен спорт, каде што навивачите кои патуваат во Европа се препознаваат и ценат, – вели првиот човек Александер Чеферин.
Во кампањата 2025/2026 ќе има ново намалување, па „плафонот“ ќе биде 50 за елитниот ранг, 35 за Лига Европа, додека цената ќе остане непроменета за Конференциската лига.
