Кајли Џенер и Травис Скот го добија второто дете.
Планетарно популарната Кајли раѓањето на бебето го објави на Инстаграм и откри дека го родила на 2-ри февруари оваа година, па бебето има навистина посебен датум на раѓање – 02.02.2022.
Твитер од утрово е преполн со објави за приновата во славното семејство и илјадници Твитер корисници се согласуваат дека датумот на раѓањето на бебето не бил случаен.
„Кајли го роди второто дете на 02.02.2022. Ова е врвот на кариерата на Крис Џенер“, пишуваат на Твитер.
„Се разбира дека се породи на трендовскиот 02.02.2022“.
„Кајли и Крис Џенер откако успешно го задржале бебето до 02.02.2022“.
„Се породи на 02.02.2022. Нема шанси“.
„Ова е планирано“.
„Крис Џенер во болница ако породувањето не започне на 02.02.2022“.
Инаку, ријалити ѕвездата на Инстаграм покрај црно-белата фотографија од рачето на бебето и нејзината постара ќерка Сторми, објави дека на 2-ри февруари во нејзиното семејство пристигнала принова.
Иако гордата мајка, не го објавила полот на бебето, „E! News“, пишува дека родила момче. Интересно е и тоа што бебето доаѓа еден ден после четвртиот роденден на Сторми.
