Американскиот претседател Доналд Трамп денеска изјави дека според неговиот план за преземање на Појасот Газа од страна на САД, Палестинците нема да имаат право да се вратат во енклавата.
Тој во интервју за Фокс њуз рече дека Палестинците ќе имаат „многу подобри“ услови за домување и дека ќе им биде изградено место каде што ќе можат да престојуваат.
Трамп минатата недела рече дека Палестинците ќе бидат трајно раселени.
Трамп потврди дека е посветен на планот за купување на Појасот Газа, но дека би можел да дозволи делови од оваа област зафатена од војна да бидат обновени од други земји од Блискиот Исток.
Според него, САД ќе го преземат Појасот Газа од Израел и ќе го претворат во „ривиера на Блискиот Исток“ откако ќе ги преселат Палестинците во други арапски држави.
