Оваа седмица, односно, во периодот од 10 март (денес понеделник), па се до 17 март (следниот понеделник) југоисточна Европа ќе се соочи со уште потопло време со рано – летни температури на воздухот кои во делови од регионот, како и во нашата Македонија ќе надминуваат 25 степени, а можно е дури истите да се искачат и дури околу 30 степени, вели метеорологот Славчо Попоски.
„Исто така, Балканот во споменатиот период го очекува многу променливо и нестабилно време, а постои опасност и од локални поголеми невремиња и поплавувања, променливо и нестабилно ќе биде и во нашата Македонија, а ова ќе биде проследено со засилен до силен јужен и југозападен ветер (над 75 км/час). Метеопати, бидете внимателни деновиве, поради тоа што Биометеоролошките услови ќе бидат крајно неповолни, а исто така проблем ќе прави и транспортот на прашина и песок од Сахара кон нашиот дел од Европскиот Континент“, вели Попоски.
