Страшна состојба во Нови Пазар, неколку лица избодени, напаѓачот во бегство: „Ситуацијата излезе од контрола…“

Во улица Генерал Живковиќ во Нови Пазар вечерва околу 20 часот дошло до инцидент откако кратка расправија меѓу група млади момчиња прераснала во физичка пресметка.

Во тепачката која следела едно лице употребило ладно оружје и им нанело убодни рани на тројца учесници во конфликтот.

– Ситуацијата брзо излегла од контрола, а напаѓачот со нож избодел тројца мажи, од кои едниот бил избоден во пределот на градниот кош – потврдија од полицијата од Нови Пазар.

Сите повредени се итно пренесени во Општата болница каде им била укажана лекарска помош.

Потрагата по осомничениот, кој во моментов е осомничен за обид за убиство, е во тек.