Home » Стојковски: Повеќето пациенти на Онкологија ја примаат потребната терапија, недостиг има за 40 до 60

Стојковски: Повеќето пациенти на Онкологија ја примаат потребната терапија, недостиг има за 40 до 60

by Журнал.мк

Повеќето од пациентите што се третираат на Универзитетската клиника за радиотерапија и онкологија ја примаат потребната терапија, рече денеска директорот на Клиниката – Игор Стојковски.

За оние за кои има недостиг во моментот, рече дека очекува проблемот да се реши во најкраток можен рок.

Лековите што треба да бидат набавени со анекс на претходните договори, Стојковски очекува да стигнат уште во текот на утрешниот ден, а за другите, кои треба да стигнат преку донација, вели дека работат заедно со директорот на Фондот за здравствено осигурување Сашо Клековски.

Според Стојковски, во моментов има недостиг на лекови, кои се дел од третманот, за 40 до 60 пациенти.

„Само да потенцирам дека повеќето од пациентите што се третираат на Универзитетската клиниката за радиотерапија и онкологија, ја примаат потребната терапија, хемотерапија, радиотерапија и биолошка терапија. Недостасуваат лекови за дел од третманот за околу 40 до 60 пациенти во моментов. Верувам дека во најбрз временски рок ќе ја обезбедиме таа терапија. Од околу пет илјади новорегистрирани пациенти на клиниката, над 95 проценти ја примаат соодветната терапија“, изјави Стојковски.

You may also like

This website uses cookies to improve your experience. We'll assume you're ok with this, but you can opt-out if you wish. Accept Read More

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk