Хеликоптерот на Министерството за внатрешни работи на Србија „Ербас Х215 Супер Пума“, со капацитет од три тони вода, со шест припадници на хеликоптерската единица и еден припадник на секторот за вонредни ситуации, е испратен врз основа на договор со претседателот на Србија, Александар Вучиќ и претседателката на Македонија, Гордана Силјановски Давкова, се наведува во соопштението, пренесе Телеграф.
Министерството за внатрешни работи на Република Србија, во одговор на официјалното барање од Центарот за управување со кризи на Владата на Македонија, поради пожарите во источниот дел на земјата, минатата недела прати хеликоптер „Агуста Бел 212“ со пет члена на хеликоптерската единица и еден припадник на Секторот за вонредни ситуации.
Во последните три дена, хеликоптерот на МУП беше активен во регионот на село Јамница, во општина Пробиштип, и даде значителен придонес во справувањето со пожарот во областа на Долно Ѓуѓанци, близу градот Свети Николе, исто така и во регионот на село Рамно во општина Старо Нагоричане, како што се наведува во соопштението.
