Home » Совет за безбедност на Косово: Србија поседува илјадници дронови како оние со кои се нападна Израел

Совет за безбедност на Косово: Србија поседува илјадници дронови како оние со кои се нападна Израел

by Журнал.мк

На барање на косовскиот премиер Албин Курти, Советот за безбедност на Косово во неделата вечерта одржа седница по повод нападот на Иран врз државата Израел и можните импликации врз глобалниот и регионалниот мир и безбедност.

Според денешното соопштение на Владата на Косово, на седницата било истакнато дека Србија, „која континуирано покажува агресивно однесување“ кон Косово, поседува илјадници беспилотни летала како оние со кои Иран го изврши нападот.

– Владата на Република Косово веднаш го осуди нападот на Иран врз Израел, оценувајќи го како чин без преседан што претставува ризик за дестабилизација на Блискиот Исток и натамошна ескалација на безбедносната состојба. Нападот е извршен со беспилотни летала „Шахид“ од иранско производство. Илјадници вакви беспилотни летала поседува и Србија, која континуирано покажува агресивно однесување кон нашата Република, особено долж границата што ја делиме, се вели во соопштението.

Во него се наведува дека „безбедносните институции на Република Косово со зголемено внимание ги следат последните случувања и ја следат безбедносната состојба на секојдневна основа и во тесна координација и соработка со (мисијата на НАТО во земјата) КФОР и стратешките партнери.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More