Сообраќајка на автобус со кинески туристи – едно лице загина

Во несреќа во автобус со туристи, за кои италијанските медиуми јавуваат дека се кинески државјани, едно лице загина, а 15 се повредени на автопатот меѓу Рим и Фиренца, соопштија пожарникарите.

Несреќата се случила во близина на градот Арецо, а учествувал автобус со 25 туристи, се вели во соопштението на пожарникарите на мрежата Х.

Сликите на социјалните мрежи покажуваат дека автобусот удрил во заштитна ограда и дека шофершајбната му е уништена.

Според весникот „Кориере дела сера“, туристите се кинески државјани и патувале кон Фиренца.