Во Собранието на Република Македонија се одржува 51 седница на која треба да се разгледуваат повеќе точки од кои и Годишниот извештај за работата на Судскиот совет на Република Северна Македонија за 2024 година, како и Предлог на закон за прогласување на просторот околу Собранието за безбедносна зона.
Веднаш по започнување на седницата пратеникот од Левица Борислав Крмов побара пауза од еден час. Крмов посочи дека причина за тоа се двете барања на партијата за информации од јавен карактер, за кои рече дека добиле нецелосен одговор.
-Ние и денеска ќе бараме еден час пауза за да се исправи неправдата во Собранието. Имено, ние имаме две барања за информации од јавен карактер поднесено конкретно нашата пратеничка Мојсовска, и еве генералниот секретар, едното барање го има целосно изигнорирано, а на другото има дадено нецелосни податоци. Така да, ние со оваа пауза која принципиелно ја бараме секоја седница се обидуваме да извршиме притисок за конечно да го добиеме тоа што ни следува и законски и деловнички.
Седницата продолжува во 12 часот.
