Утрешната седница во Собранието ќе биде повеќе од обична политичка дебата — ќе биде вистинска битка меѓу чесноста и подмолноста. На мета на нападите е министерот за внатрешни работи, Панче Тошковски, човек што со своето дело стана симбол на правдата, честа и љубовта кон Македонија. Пратеникот на ВМРО-ДПМНЕ, Бране Петрушевски, најавува силна поддршка за министерот и за сите оние што веруваат во праведна и достоинствена држава, истовремено остро осудувајќи ги обидите за политичка злоупотреба на трагичните настани од страна на Левица.
Стојам цврсто и гордо зад министерот Панче Тошкоски. Зад Македонија што се бори. Зад правдата која конечно доби име и презиме. А ти?
Утре, во Собранието, ќе се води битка меѓу чесноста и подмолноста. На удар е министерот Панче Тошкоски — човек кого го познавам долги години, човек што е синоним за чест, правда и бескрајна љубов кон Македонија, истакна Бране Петрушевски, пратеник на ВМРО-ДПМНЕ.
Подносители на интерпелацијата? Левица — политички шарлатани и квази-патриоти. Истите тие кои беа најгласни слуги на “шарената револуција”, што го донесе најголемиот криминал и најдлабоките национални понижувања. Денес, како политички некрофили, тие се обидуваат да тргуваат со болката на народот и да извлечат ситен политички профит од трагедијата во Кочани. Бесрамно!
Но, вистината е јасна: За првпат во Македонија, по трагедија, неселективно и одговорно се поднесуваат кривични пријави против сите виновници — без оглед на функција или моќ. Повеќе од 70 лица се опфатени: министри, градоначалници, инспектори, полициски службеници.
Денес е поинаку. За разлика од минатото, кога “кабелот” беше виновен, а вистинските виновници беа заштитувани, денес правдата говори со дела.
Панче Тошкоски испиша нова страница во борбата против криминалот:
Сузбиени се 14 криминални групи и една терористичка ќелија;
Приведени се поранешен вицепремиер, врховен судија, член на Советот на јавни обвинители и директори;
Спречени се меѓународни транспорти на кокаин, марихуана и екстази (над 4 тони запленети дроги);
Разбиена е цела мрежа на корумпирани цариници;
Криминалот е намален за 4,8%.
Токму затоа Левица крева врева. Страв им е од правдата и одговорноста.
Оваа битка не е само на Панче! Ова е битка на сите кои веруваат во чесна, праведна и достоинствена Македонија! Стојам цврсто и гордо зад министерот Панче Тошкоски. Зад Македонија што се бори. Зад правдата што конечно има име и презиме. А ти?
