Home » Со влегување на приватните енергетски инвестиции граѓаните ќе плаќаат пониски сметки за парно

Со влегување на приватните енергетски инвестиции граѓаните ќе плаќаат пониски сметки за парно

by Журнал

Влезот на стратешките енергетски инвестиции кои утре треба да ги изгласаат пратениците преку неколку предлог закони ќе ја намали енергетската независност на земјата и можно е да донесе пониски сметки за парно греење, тврди претседателот на Регулаторната комисија, Марко Бислимоски за „А1он“.

Во Собранието утре на пленарна седница се предлог законите за реализација на стратешките проекти: „Соларна електрична централа – Пехчево“, на стратешкиот инвеститор, ХЕК „Солар“ МК ДОО Негрево, Пехчево, вреден околу 51,9 милиони евра, Стратешки инвестиционен проект „Соларен парк Стипион“, на стратешкиот инвеститор, „Остро солар“ ДООЕЛ Скопје за изградба на фотоволтачна централа од 400 мегавати, вредна 270 милиони евра, инвестициски проект „Митилинеос“ за когенеративна постројка Скопје и стратешки инвестициски проект АИМ „Греен ТЕЦХ“, на стратешкиот инвеститор, АИМ „Греен Тецх“ ДООЕЛ Скопје со кој ќе се комбинираат соларна енергија, мотори на гас и можност за батерии за баланс во мрежата.

Барањето да ги гради државата овие централи за Бислимоски е легитимно, но вели дека и на овој начин граѓаните ќе добиваат пониски сметки за топлинска енергија и сметки за струја со стабилни цени.

– Поради ниската цена која на топлинската енергија која ќе ја произведува когенеративната централа ќе се зголеми интересот за приклучување на градското централно греење и ќе се ослободат количини што ЕСМ ги произведува на ниво од два блока во РЕК Битола. Овој концепт на приватни инвеститори се применува во Европа и според овој модел државата добива однапред утврдена цена што е пониска од онаа што ја има ЕСМ. Сега ЕСМ ја продава струјата на ЕВН хоме по цена од 58 евра за Mw/h, додека од стратешките партнери ќе изнесува 55 евра за Mw/h. Во последните 33 години околу 85% од инвестициите во енергетиката се приватни. Државата ги направи само „Козјак“ и ветерната електрана во Богданци и тоа е се само 140MW. Приватните инвеститори инсталираа капацитет од околу 900MW, истакна Бислимоски.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More