Home » Снежниот бран ја зафаќа територијата на Македонија – Овој викенд обилни врнежи од снег, по што следува поларен студ со температури до околу -20 степени!

Снежниот бран ја зафаќа територијата на Македонија – Овој викенд обилни врнежи од снег, по што следува поларен студ со температури до околу -20 степени!

by Журнал

За време на овој викенд, како што веќе подолго време најавуваме, територијата на Македонија ќе биде зафатена од голем снежен бран кој ќе донесе обилни врнежи од снег и снежна бајка насекаде низ државава. Сето ова ќе биде проследено со засилен ветер од северен правец, а поради ниските температури ќе има појава на голомразица.

На планините и на скијачките центри се очекува формирање на снежна покривка од над 30 – 40 цм, а во градовите во западните предели таа понекаде ќе има висина и до околу 30 цм. Во Скопскиот регион, како и во централните, источните и во југоисточните предели таа ќе биде со висина од 3 до 10 цм, понекаде може малку повеќе.

По овој снежен бран, следната седмица ќе имаме поларни температури кој на повеќе места наутро ќе се спуштат и до околу -10 степени, понекаде и до -15 степени. Ќе има места каде што температурата во раните утрински часови ќе се спушти дури до околу -20 степени. Многу студено и со температури на повеќе места под нулата ќе биде и преку ден, само на некои места, особено во најтоплите централни и југоисточни предели таа ќе се искачи за неколку степени над нулата.

Со ваквите наши најави, апелираат и од ЈП “Македонија пат”, да се вози внимателно, како на планинските превои, така и во градовите. Секако тие ќе бидат на терен и постојано ќе ги расчистуваат патиштата.

Инаку снегот веќе започна да паѓа низ Македонија, и во моментов го има во северните и во северозападните предели од државава, но снежниот бран забрзано ќе се проширува и во текот на денов ќе ја зафати целата територија на Македонија.

Уживајте во прекрасната снежна бајка!

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More