Израелскиот министер за финансии Бекалел Смотрич рече дека премиерот Бенјамин Нетанјаху е „на крајот одговорен“ за начинот на кој се води војната во Појасот Газа и рече дека доколку територијата не биде окупирана и не се воспостави привремена воена администрација, „неговата влада нема право да постои“.
Во пораката што израелските медиуми ја опишаа како отворена закана за соборување на владата, Смотрич го критикуваше Нетанјаху за, како што рече, неуспехот да ги спроведе одлуките на политичкото раководство во врска со дистрибуцијата на хуманитарна помош, како и недостатокот на решителност во борбата против Хамас, пишува Тајмс оф Израел.
Изјавите на Смотрич дојдоа откако, според извештаите на хебрејските медиуми, тој влегол во вербална расправија со началникот на Генералштабот на ИД Ејал Замир за време на состанокот на кабинетот за безбедност.
