Сите 59 жртви загинале од задушување

Насилна смрт од задушување предизвикано од пожарот е причина за смртта на 59-те млади луѓе во клубот во Кочани. Обдукцијата покажа дека сите се задушиле за кратко време, најголемиот дел од јаглероден моноксид, а токсиколошките анализи ќе покажат какви други гасови вдишале.
При обидот да избегаат од пожарот кај некои од починатите биле констатирани изгореници и скршеници, а 4 лица се задушиле во стампедото.

Четири тела поради изгореници биле идентификувани само со ДНК.

Од 59-те починати 16 се женски, а 43 машки, најмногу на возраст од 16 до 29 години.